Tónleikar Hljómsveitarstjóri Flutt verk Einleikarar Um SÁ
boat

Oh snap! We just showed you a modal..

Because we can

Cool huh? Ok, enough teasing around..

Go to our W3.CSS Tutorial to learn more!


SINFÓNÍUHLJÓMSVEIT ÁHUGAMANNA

Sinfóníuhljómsveit áhugamanna

Um hljómsveitina

Sinfóníuhljómsveit áhugamanna var stofnuð haustið 1990 og hefur starfað óslitið síðan. Í hljómsveitinni leika hljóðfæraleikarar sem flestir hafa atvinnu af öðru. Hún er einnig vettvangur nemenda og tónlistarkennara til að iðka tónlist. Hljómsveitina skipa að jafnaði 40-60 manns, en miklu fleiri hafa leikið með henni í lengri eða skemmri tíma. Starfið er ólaunað. Fjöldi þekktra, íslenskra einleikara og einsöngvara hefur komið fram með hljómsveitinni og hún hefur átt samstarf við marga kóra. Sveitin heldur 5-7 tónleika á ári, en auk þess kemur hljómsveitin fram við ýmis tækifæri. Hljómsveitin hefur gefið út þrjá hljómdiska með leik sínum og einnig tekið þátt í gerð kvikmynda. Aðalstjórnandi og listrænn leiðtogi hin síðari ár er Oliver Kentish.

 

Starfið

Starfsárið er frá september til maí. Æft er á þriðjudagskvöldum í Seltjarnarneskirkju frá 19:30 - 22:00. Ef þú hefur áhuga á að taka þátt máttu endilega hafa samband

Tónleikar framundan

Frumflutningur og fágæti

Seltjarnarneskirkja þann 13.apríl 2024 klukkan 16:00

Aðgangseyrir:

Hljómsveitin kynnir sig

Páll Ingvarsson

Hljóðfæri: víóla

Starf/menntun: Læknir

Tónlistarnám: Byrjaði að spila á fiðlu 10 ára gamall, hjá Friedrich Weigel við Kommunala Musikskolan í Västerås í Svíþjóð. Eftir 3 ár flutti fjölskyldan til Gautaborgar, þar sem hann var objekt-elev (æfingarnemandi) hjá nemenda á kennarabraut tónlistaháskólans í Gautaborg. Þar stundaði hann nám í þrjú ár, í tvö ár á undanþágu samhliða menntaskóla, en eitt ár í fullu námi 1972-1973, hjá prófessor Kenneth Freiholtz.

Með SÁ síðan: 2002

Helga Andrésdóttir

Hljóðfæri: fiðla

Starf/menntun: Þroskaþjálfi/sérkennslustjóri

Tónlistarnám: Hóf tónlistarnám í Tónlistarskóla Keflavíkur 7 ára gömul. Fyrsta árið lærði hún á blokkflautu en hóf fiðlunám samhliða blokkflautunámi 8 ára gömul. Síðar lærði hún einnig á píanó. Fiðlunáminu hélt hún síðan áfram í Nýja tónlistarskólanum og Tónlistarskóla Garðarbæjar. Meðal kennara sem kennt hafa Helgu eru Árni Arinbjarnarson, Kjartan Már Kjartansson og Sean Bradley.

Með SÁ síðan: Með hléum frá 1995

Anna Jórunn Stefánsdóttir

Hljóðfæri: selló

Starf/menntun: Talmeinafræðingur

Tónlistarnám: Byrjaði 10 ára í Barnamúsikskólanum. Síðan í Tónlistarskólann í Reykjavík, píanó, selló og söngur.

Með SÁ síðan: 2000

Hafðu samband

Langi þig að taka þátt eða hafir einhverjar spurningar

Æfingar fara fram í Seltjarnarneskirkju.